Масъалаҳои тарзи ҳаёти солими тоҷикони Урал баррасӣ шуданд

27 декабри соли 2021 Консули генералии Ҷумҳурии Тоҷикистон дар шаҳри Екатеринбург Зафар Сайидзода табиби дар Россия ва Тоҷикистон шинохта, асосгузору роҳбари Иттифоқи байналмилалии нависандагон ва табибон Муллозуҳур Тоҳириро ( Тоҳировро) ба ҳузур пазируфт.  Мусоҳибон ҳамдигарро бо фарорасии Соли нави 2022 табрик карданд.  Зимни суҳбат масъалаҳои мубрами роҳандозии корҳои маърифатӣ дар байни муҳоҷирони меҳнатӣ ва аъзои  диаспораи тоҷикон дар минтақаи  Урал оид ба густариши  тарзи ҳаёти солим, оммавигардонии низоми солимгардонӣ ва дарозумрӣ баррасӣ шуданд.  Консули генералии ҷумҳурӣ Муллозуҳур Тоҳириро барои фаъолияти тӯлонии аз ҷониби ҷомеа эътирофшудаю фаъоли тиббӣ--маърифатӣ дар миёни  муҳоҷирони меҳнатӣ ва аъзои  диаспораи тоҷикон дар Россия бо Ифтихорномаи муассисаи  консулӣ сарфароз гардонд.