Суҳбат бо намояндаи гурӯҳи ширкатҳои « Алиф» дар Россия

2 декабри соли 2021 Консули генералии Ҷумҳурии Тоҷикистон дар шаҳри Екатеринбург Зафар Сайидзода муовини Директори генералии ҶДММ «Ширкати қарздиҳии хурди «Алиф Капитал», роҳбари бахши рушди гурӯҳи ширкатҳои «Алиф» дар Федератсияи Россия Заррина Нозимоваро, ки ба минтақаи  Урал бо сафари корӣ омадааст, ба ҳузур пазируфт.  Зимни суҳбат Заррина Нозимова ба Консули генералӣ роҷеъ ба ҳадафҳо, вазифаҳо, миқёс, дурнамо, шаклҳои мубрам ва самтҳои асосии фаъолияти гурӯҳи ширкатҳои «Алиф» муфассал маълумот дод.  Мусоҳибон оид ба ҳамкорӣ дар мавриди як қатор масъалаҳои марбут ба беҳбудӣ бахшидан ба  шароити зиндагии муҳоҷирони меҳнатӣ аз Тоҷикистон, аз ҷумла онҳое, ки дар боздоштгоҳҳои муваққатии шаҳрвандони хориҷӣ (МНМШХ) қарор доранд, ба мувофиқа расиданд.