Зафар Сайидзода барои фаъолони созмони байналмилалии хайриявии Ротари клуби "Екатеринбург - Марказ" маърӯза кард

Шоми 15 апрели соли 2021 - бо даъвати сарвари созмони байналмилалии хайриявии Ротари клуби "Екатеринбург - Марказ" Олег Алферьев - Консули генералии Ҷумҳурии Тоҷикистон дар ш. Екатеринбург, доктори илмҳои таърих Зафар Сайидзода барои фаъолони он маърӯза кард.

Маърӯза оид  ба масъалаҳои таърихи қадим, асрҳои миёна, нав ва навтарин, фарҳанги моддӣ ва  арзишҳои маънавию ахлоқии Тоҷикистон ва мардуми он, вижагиҳо ва натиҷаҳои 30-солаи рушди кишвар дар шароити истиқлоли давлатӣ, роҷеъ ба стратегияҳои иқтисодии хориҷӣ ва сиёсии хориҷии давлати муосири Тоҷикистон, ҳолати кунунӣ ва дурнамои рушди муносибатҳои байнидавлатии Тоҷикистону Россия, аз ҷумла арсаи байниминтақавии онҳо, дар давраи баъдиковидӣ буд.

Пас аз маърӯза дипломати тоҷик ба саволҳои аъзои маҳфил посух дод ва дар мубодилаи озодонаи афкор оид ба масъалаҳои мубрами воқеияти сиёсии дунёи имрӯза иштирок намуд.

Ротари клуби "Екатеринбург-Марказ" як ҷузъи Rotary International (созмони байналмилалии хайриявӣ) мебошад ва фаъолияташ ба ду меъёри асосӣ - берун аз сиёсат ва дину мазҳаб будан - асос ёфтааст.