Ҳайати Ҷумҳурии Тоҷикистон таҳти роҳбарии Сарвари соҳаи сайёҳию ҷаҳонгардии кишвар бо  сафари корӣ ба вилояти Свердловски Федератсияи Россия омад

Ҳайати Ҷумҳурии Тоҷикистон таҳти роҳбарии Сарвари соҳаи сайёҳию ҷаҳонгардии кишвар бо  сафари корӣ ба вилояти Свердловски Федератсияи Россия омад

Шоми 27 октябри соли 2024 ҳайати Ҷумҳурии Тоҷикистон таҳти роҳбарии раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муъминзод ба шаҳри Екатеринбурги вилояти Свердловски Федератсияи Россия бо сафари корӣ омад.

Ба ҳайати ҷумҳурӣ раиси Федератсияи иттифоқҳои касабаи мустақили Тоҷикистон Маликшоҳ Неъматзода, мудири бахши Раёсати робитаҳои хориҷии дастгоҳи иҷроияи Президенти Ҷумҳурии Тоҷикистон Азиз Солеҳзода, роҳбарони ширкатҳои пешбари сайёҳӣ ва осоишгоҳҳои беҳтарини Тоҷикистон шомиланд.

Дар фурудгоҳи байналмилалии "Колтсово"-и шаҳри Екатеринбург ҳайати Ҷумҳурии Тоҷикистонро Консули генералии Ҷумҳурии Тоҷикистон дар шаҳри Екатеринбург Зафар Сайидзода, сардори шуъбаи рушди саноати  сайёҳии Департаменти рушди сайёҳӣ ва саноати меҳмондории вилояти Свердловски Федератсияи Россия Татяна Илина, ректори Академияи сайёҳӣ ва муносибатҳои байналмилалӣ Олга Пирогова, кормандони масъули Вазорати робитаҳои байналмилалӣ ва хориҷии иқтисодии вилояти Свердловски Федератсияи Россия Анастасия Охрименко ва Юлия Загоскина самимона истиқбол гирифтанд.