Консули генералии Ҷумҳурии Тоҷикистон дар маросими ифтитоҳи мусобиқаи Ҷоми ҷаҳон оид ба гӯштини камарбандӣ дар шаҳри Верхняя Пышмаи вилояти Свердловски Федератсияи Россия суханронии шодбошӣ кард
Консули генералии Ҷумҳурии Тоҷикистон дар маросими ифтитоҳи мусобиқаи Ҷоми ҷаҳон оид ба гӯштини камарбандӣ дар шаҳри Верхняя Пышмаи вилояти Свердловски Федератсияи Россия суханронии шодбошӣ кард
16 декабри соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода аз шаҳри Верхняя Пышмаи вилояти Свердловски Федератсияи Россия боздид кард.
Дар маҷмааи варзишии "Кохи варзишии УГМК" воқеъ дар шаҳри Верхняя Пышма маросими ифтитоҳи мусобиқа барои гирифтани Ҷоми ҷаҳон оид ба гӯштини камарбандӣ баргузор гардид, ки дар он дипломати тоҷик иштирок ва суханронии шуълавари шодбошӣ кард.
Дар мусобиқоти байналмилалӣ, ки то 18 декабри соли 2023 идома дошт, варзишгарони кишварҳои ИДМ (аз ҷумла Ҷумҳурии Тоҷикистон), Иттиҳоди Аврупо, Ховари Миёна, Осиёи Ҷанубӣ ва Осиёи Ҷануби Шарқӣ ва қитъаи Африқо ширкат намуданд.
Дар маросими ифтитоҳи Мусобиқоти бақналмилалӣ муовинони Вазири тарбияи ҷисмонӣ ва варзиши вилояти Свердловски Федератсияи Россия Олга Белоножкина ва Андрей Зяблитсев бо ҳамсараш, президенти Федератсияи байналмилалии гӯштини камарбандӣ Хабир Ҳабибуллин, президенти Федератсияи умумироссиягии гӯштини камарбандӣ Рӯшан Рамазонов, президенти Федератсияи гӯштини камарбандии вилояти Свердловски Федератсияи Россия Алиф Абдураҳмонов, раиси Федератсияи гӯштини камарбандии Ҷумҳурии Тоҷикистон Шавкат Зарифов, намояндаи Вазорати меҳнат, муҳоҷират ва шуғли аҳолии Ҷумҳурии Тоҷикистон дар минтақаи Урал Беҳрӯз Холиқов, ходими фаъоли диаспораи тоҷикони муқими шаҳри Екатеринбург Сангалӣ Салимов иштирок намуданд ва аз ҷумлаи онон аксарият суханронии шодбошӣ карданд.
