Суҳбати Консули генералии Ҷумҳурии Тоҷикистон бо донишҷӯи тоҷик--барандаи ҷоизаи Чемпионати ҷаҳон оид ба "набарди универсалӣ"
Суҳбати Консули генералии Ҷумҳурии Тоҷикистон бо донишҷӯи тоҷик--барандаи ҷоизаи Чемпионати ҷаҳон оид ба "набарди универсалӣ"
Донишҷӯёни Донишгоҳи давлатии ҳуқуқи Урал ба номи В.Ф.Яковлев, зодагони Ҷумҳурии Тоҷикистон Меҳроҷ Ҳамидов ва Фаридун Наимзода барандагони ҷоиза (дар риштаи “набарди универсалӣ” мутаносибан ҷойҳои дуввум ва сеюмро гирифтанд) дар Мусобиқоти умумиҷаҳонӣ оид ба "набарди универсалӣ" гардиданд. Чемпионат дар шаҳри Новосибирски Федератсияи Россия аз 31 октябр то 4 ноябри соли 2023 баргузор гардида буд.
8 декабри соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода Фаридун Наимзодаро дар дафтари кориаш ба ҳузур пазируфта, ӯро бо дастоварди баланди варзишӣ самимона табрик гуфт ва бо Ифтихорномаи муассисаи консулӣ қадру сарфароз гардонд.
Зимни суҳбат донишҷӯй дар бораи зиндагӣ ва таҳсили донишҷӯёни Донишгоҳи болозикр аз ҷумлаи зодагону шаҳрвандони Ҷумҳурии Тоҷикистон муфассалу ҷолиб нақл кард.
Дипломати тоҷик дар шахси Фаридун Наимзода аз тамоми донишҷӯёни тоҷикистонии мактабҳои олии минтақаи Урал даъват ба амал овард, ки ҷиҳати расидан ба нишондодҳои баланд дар таҳсил, корҳои ҷамъиятӣ ва фарҳанги кирдору рафтор талош кунанд, фарҳанги бою қадим, арзишҳои волои маънавию ахлоқӣ ва дастовардҳои назарраси созандаи мардуми тоҷикро дар ҷомеаи муосири россиягӣ ба таври шоиста муаррифӣ кунанд.
