Суҳбати муфид оид ба роҳандозии ҳамкориҳои судманд бо директори Маркази таълимию техникии шаҳри Красноуфимски вилояти Свердловски Федератсияи Россия

Суҳбати муфид оид ба роҳандозии ҳамкориҳои судманд бо директори Маркази таълимию техникии шаҳри Красноуфимски вилояти Свердловски Федератсияи Россия

5 декабри соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода бо директори Муассисаи давлатии худмухтор – Маркази таълимию техникии бахши агросаноатии шаҳри Красноуфимск--Юрий Серебренников мулоқот намуд.

Зимни суҳбати муфассали корӣ масъалаҳои роҳандозии ҳамкорӣ ба хотири татбиқи амалии барномаҳои иловагии таълимии касбӣ барои муҳоҷирони меҳнатӣ аз ҷумлаи шаҳрвандони Ҷумҳурии Тоҷикистон, ки сабти ному патенти корӣ дар қаламрави Россия доранд ва бо корфармои россиягӣ шартномаи меҳнатӣ бастаанд, ба таври муфассалу ҷиддӣ баррасӣ  шуданд.

Юрий Серебренников зимни суҳбат бо дипломати тоҷик тазаккур дод: шаҳрвандони Ҷумҳурии Тоҷикистон, ки ба шаҳодатномаи касби коргарии дорои тахассуси марбута соҳиб гаштаанд , барои пайдо кардани ҷойи кории соҳибихтисос дар корхонаҳо имконияти бештар доранд.