Иштирок дар шаҳри Екатеринбург дар барномаи идонаи "Рӯзи фарҳанги тотор"

Иштирок дар шаҳри Екатеринбург дар барномаи идонаи "Рӯзи фарҳанги тотор"

Шоми 26 августи соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода--бо даъвати  намояндаи доимии Ҷумҳурии Тотористони Федератсияи Россия дар вилояти Свердловски Федератсияи Россия Ҳайдар Гилфанов--дар ҷашни ""Рӯзи фарҳанги тотор" дар шаҳри Екатеринбург дар доираи таҷлили "Рӯзи Ҷумҳурии Тотористон"" иштирок намуд.

Чорабинӣ дар Маркази фарҳангии  "Орджоникидзевский"--и  шаҳри Екатеринбург дар хиёбони "Культура" баргузор шуд.

Дар доираи «Рӯзи фарҳанги тотор» мизи мудаввар дар мавзӯи "Мероси тоторӣ–сарвати минтақаи Урал", намоишгоҳҳо, шиносоӣ бо вижагиҳои таомҳои миллии тоторӣ, дарсҳои маҳорат, бозиҳои шавқовар, флешмобҳо ва Ҷашнвораи эҷодиёти мардумии тоторӣ таҳти унвони «Медени жиен» ("Рангорангии фарҳангӣ") баргузор шуданд.

Қабл аз оғози барномаи идона, зимни табодули афкори дипломати тоҷик бо намояндаи доимии Ҷумҳурии Тотористони Федератсияи Россия дар вилояти Свердловски Федератсияи Россия Ҳайдар Гилфанов оид ба ҳамкориҳои гуногунҷанбаи мутақобилан судманди Ҷумҳурии Тоҷикистон ва Ҷумҳурии Тотористони Федератсияи Россия,  роҳбари муассисаи консулии Тоҷикистон ҷойгоҳи муҳими ҳамкориҳои болозикрро дар маҷрои умумии ҳамкории Тоҷикистону Россия дар бахшҳои тиҷоративу иқтисодӣ ва дигар арсаҳо дар марҳалаи кунунии рушд қайд кард.