Иштирок дар маросими ифтитоҳи Маркази нави сайёҳиву иттилоотӣ дар Урали Миёна

Иштирок дар маросими ифтитоҳи Маркази нави сайёҳиву иттилоотӣ дар Урали Миёна

6 июли соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода дар пойтахти уралӣ, дар километри 17-уми шоҳроҳи "Ново-Московский", дар маросими ифтитоҳи расмии стелаи таҷдидшудаи "Аврупо-Осиё" ва  Маркази нави сайёҳиву иттилоотӣ иштирок намуд.

Маросими расмӣ бо иштироки Вазири робитаҳои байналмилалӣ ва хориҷии иқтисодии вилояти Свердловски Федератсияи Россия Вячеслав Ярин, дигар шахсони расмӣ ва ходимони ҷамъиятии минтақа баргузор гардид.

Дар маросими ифтитоҳи расмӣ Сарвари шаҳри Екатеринбург Алексей Орлов, намояндаи Вазорати корҳои хориҷии Россия дар шаҳри Екатеринбург Александр Харлов, ректори Донишгоҳи давлатии хоҷагии ҷангали Урал Евгений Платонов ва Консули фахрии генералии Ҷумҳурии Ҳиндустон дар шаҳри Екатеринбург Андрей Симановский, ки бо ибтикори ӯ стелаи "Аврупо-Осиё» таҷдид ёфт ва Маркази сайёҳиву иттилоотии нав бунёд шуд, суханронии шодбошӣ намуданд.

Бо иштироки намояндагони воломақоми корпуси дипломатии маҳаллӣ, аз ҷумла Консули генералии Ҷумҳурии Тоҷикистон, ниҳолшинонии муштарак сурат гирифт. Дипломати тоҷик буттаи гардензияи ҷавонро шинонд.