Дипломати тоҷик дар пойтахти уралӣ дар масҷиди Колонияи ислоҳӣ бо ҳамватанони маҳкумшуда суҳбати самимӣ кард

Дипломати тоҷик дар пойтахти уралӣ дар масҷиди Колонияи ислоҳӣ бо ҳамватанони маҳкумшуда суҳбати самимӣ кард

30 июни соли 2023 Консули генералии Ҷумҳурии Тоҷикистон дар шаҳри Екатеринбург Зафар Сайидзода аз Муассисаи давлатии федералии "Колонияи ислоҳии 10"-и ГУФСИН-и Россия дар вилояти Свердловск боздид кард.

Бо дипломати тоҷик ёвари раиси ГУФСИН-и Россия дар вилояти Свердловск, коҳини православӣ Алексей Елисеев, иҷрокунандаи муваққатии вазифаи муфтии Идораи рӯҳонии(Муфтиёти марказии) мусулмонони вилояти Свердловски Федератсияи Россия  ҳоҷӣ-ҳазрат Иброҳим Ёқубов ва ёвари намояндаи Ҳукумати Ҷумҳурии Доғистони Федератсияи Россия дар вилояти Свердловски Федератсияи Россия ҳоҷӣ Камолиддин Расулов  дар ин боздид ҳамроҳ буданд.

Боздиди Колонияи ислоҳӣ аз мулоқоти дипломати тоҷик бо сардори он, подполковники хидмати дохилӣ Евгений Дога оғоз гардида, дар ҷараёни он ҳамсуҳбатон масъалаҳои ҳамкориҳои минбаъдаи судмандро баррасӣ намуданд.Консули генералии Ҷумҳурии Тоҷикистон ба Евгений Дога сипосномаи муассисаи консулӣ ва китоби дар  ҳаммуаллифӣ иншокардаашро таҳти унвони "Владимир Путин. Нигоҳе аз "Боми ҷаҳон" тақдим кард.

Дипломати тоҷик унвонии подполковник Евгений Дога барои фароҳам гаштани имкони боздид аз Колонияи ислоҳӣ ва баргузории вохӯрӣ бо ҳамватанони худ дар рӯзи сеюми иди асосии мусулмонон “Қурбон” арзи сипос кард.

Суҳбат бо зодагону шаҳрвандони Ҷумҳурии Тоҷикистон ва шаҳрвандони маҳкумшудаи кишварҳои дигар дар масҷиди зебои Колонияи ислоҳӣ самимона, пурмуҳтаво ва судманд буд.

 Иштироккунандагони вохӯрӣ ба бисёр саволҳои худ посух гирифтанд.

Дар суханронии табрикии Консули генералии Ҷумҳурии Тоҷикистон зарурати таҳкими ваҳдати байнимиллию байнидинӣ, риояи тартибот, интизом, ахлоқи дунявӣ ва имонӣ аз ҷониби маҳкумшудагон, дарки амиқ, дурусту саҳеҳи дини мубини Ислом ва тарзи ҳаёти исломиро таъкид намуд.

Дипломати тоҷик ба китобхонаи Масҷиди болозикр китобҳои худро оид ба таърихи навтарини сиёсии Россия ҳадя кард.

Боздиди Консули генералии Ҷумҳурии Тоҷикистон дар шаҳри Екатеринбург Зафар Сайидзода аз Колонияи ислоҳии рақами 10, суҳбатҳои самимии ӯ бо маҳкумшудагон боиси болоравии рӯҳияи солими маънавии онон гардид.