Мулоқоти Консули генералии Ҷумҳурии Тоҷикистон дар шаҳри Уфаи Федератсияи Русия бо донишҷӯёни тоҷик дар шаҳри Қазон

2 марти соли 2024 дар Донишкадаи равобити байналмилалии Донишгоҳи федералии Қазон вохӯрии Консули генералии Ҷумҳурии Тоҷикистон дар шаҳри Уфа Т.Раҳимов бо донишҷӯёни тоҷик, ки дар он Донишгоҳ таҳсил мекунанд, баргузор гардид.                                                                                                                                                                                                                                           

Зимни суҳбат бо роҳбарияти Донишгоҳ ҷонибҳо масъалаҳои рушди ҳамкориҳо дар соҳаи илму маориф, таҳкими робитаҳои муассисаҳои таҳсилоти олии Тоҷикистон ва Русияро баррасӣ намуданд. Ҳамчунин, Т.Раҳимов бо фаъолияти илмии донишгоҳ ва шароити таҳсили донишҷӯён шинос шуд.                                                                                                                                                           

Консули генералӣ ба донишҷӯёни точик ва иштирокчиёни вохӯри дар бораи дастовардҳо ва рушди иқтисоди Тоҷикистон маълумот дод. Дар ин замина, мавзӯи рушди илм, маориф ва фарҳанг,  ки яке самтҳои асосии сиёсати давлатии Ҳукумати Тоҷикистон аст, таъкид гардид.                                                                                                                                                                                     

Чорабинии мазкур бо иштироки муовини ректор оид ба робитаҳои хориҷии Донишгоҳи федералии Қазон Т.Алишев, муовини директори Раёсати робитаҳои хориҷии Донишгоҳи мазкур Р.Сайфутдинов, муовини директор оид ба фаъолияти байналмилалии Донишкадаи муносибатҳои байналмилалӣ А.Имамутдинова, Роҳбари Ҷамъиятии точикони Ҷумҳурии Тотористон» С.Тоиров баргузор гардид.