Вохӯрӣ бо Сафири Чили

Имрӯз, 29 майи соли 2024, Сафири Фавқулода ва Мухтори Ҷумҳурии Тоҷикистон дар Федератсияи Россия Давлатшоҳ Гулмаҳмадзода ба Сафири Фавқулода ва Мухтори Ҷумҳурии Чили дар Ҷумҳурии Тоҷикистон (бо қароргоҳ дар шаҳри Москва) Эдуардо Эскобар ташриф овард.

Зимни мулоқот роҳбарони намояндагиҳои дипломатӣ вазъ ва зарфиятҳои мавҷудаи рушди муносибатҳои ду кишвар, ҳамкорӣ дар чаҳорчӯби созмонҳои байналмилалиро баррасӣ намуда, инчунин ба мувофиқа расиданд, ки барои ба сатҳи нав баровардани ҳамкориҳои дуҷониба тамоми талошҳоро ба харҷ диҳанд. Ҳамчунин, сафири Тоҷикистон сафири Чилиро ба муносибати 30-умин солгарди барқарории муносибатҳои дипломатӣ миёни Тоҷикистон ва Чилӣ табрик гуфт.