Машваратҳои сиёсии Тоҷикистон ва Россия

24 апрели соли 2024 дар шаҳри Москва машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Федератсияи Россия баргузор гаштанд. Ҳайатҳои ҷонибҳо дар нишасти мазкур таҳти роҳбарии муовинони вазирони корҳои хориҷии Тоҷикистон Содиқ Имомӣ ва Россия Михаил Галузин ширкат варзиданд.

Зимни машваратҳо масъалаҳои мубрами муносибатҳои дуҷониба дар заминаҳои сиёсӣ, иқтисодию тиҷоратӣ, фарҳангиву гуманитарӣ ва дигар самтҳо мавриди баррасии амиқ қарор гирифтанд. Инчунин атрофи ҳамкории ду кишвар дар чаҳорчӯби созмонҳои байналмилалӣ ва масъалаҳои амнияти минтақавӣ табодули афкор анҷом дода шуд.

Машваратҳо дар фазои эътимод ва созандаи ба муносибатҳои шарикии стратегии ва ҳампаймонии Тоҷикистону Россия хос сурат гирифтанд.