Ҳамкорӣ дар соҳаи тиббию биологӣ

7 феврали соли 2024 мулоқоти ректори Донишкадаи технология ва менеҷменти инноватсионӣ дар шаҳри Кӯлоб А.Н.Шоев бо директори Донишкадаи проблемаҳои тиббию биологии Академияи илмҳои Россия О.И.Орлов баргузор гардид. 

Дар мулоқоти мазкур самтҳои эҳтимолии ҳамкорӣ, аз қабили мубодилаи таҷрибаи муштарак байни Донишкадаҳо, истифодаи технологияҳои муосир дар коркарди лоиҳаҳои муштарак, иштирок дар чорабиниҳои таълимии ҳарду ҷониб, инчунин дар тайёр намудани ғизо барои кайҳонавардон мавриди баррасӣ қарор дода шуд.

Ҷониби Россия омодагии худро дар тайёр намудани мутахассисони касбии раҳобатпазир барои Ҷумҳурии Тоҷикистон, инчунин дар соҳаи гуногуни аз ҷумла саноати хӯрока, тиб ва зеҳни сунъӣ иброз намуданд.