Вохӯрии Вазири корҳои хориҷӣ бо Сафири Қирғизистон
10.02.2022 15:45
10 феврали 2022 Вазири корҳои хориҷии Ҷумҳурии Тоҷикистон Сироҷиддин Муҳриддин Сафири фавқулода ва мухтори Ҷумҳурии Қирғизистон дар Ҷумҳурии Тоҷикистон Ҷаниш Рустенбековро ба муносибати анҷом ёфтани маъмурияти дипломатиаш дар Тоҷикистон ба ҳузур пазируфт.
Дар рафти мулоқот ҷонибҳо зарурати рушди пайдарпайи муносибатҳои Тоҷикистон ва Қирғизистонро бар асоси рукнҳои дӯстӣ ва ҳусни ҳамҷаворӣ таъкид намуданд.
