Супоридани нусхаи эътимоднома ба Муовини вазири корҳои хориҷии Украина
24.11.2020 10:05
23 ноябри 2020 дар Киев Сафири Фавқулода ва Мухтори Ҷумҳурии Тоҷикистон дар Украина Давлаталӣ Назризода нусхаи эътимодномаи худро ба Муовини вазири корҳои хориҷии Украина Евгений Енин супорид.
Пас аз супоридани нусхаи эътимоднома Сафир бо Муовини вазири корҳои хориҷии Украина мулоқот анҷом дод. Дар он масъалаҳои муносибатҳои дуҷонибаи Тоҷикистон ва Украина ва роҳҳои густариши онҳо мавриди баррасӣ қарор гирифтанд.
Муовини вазири корҳои хориҷӣ Сафири нави Тоҷикистонро ба муносибати ба вазифаи нави дипломатӣ таъйин гардиданаш табрик ва ба ӯ дар амалӣ намудани рисолати дипломатиаш дар Украина комёбиҳо орзу намуд.
