Мулоқоти Вазири корҳои хориҷии Тоҷикистон бо Сафири Эрон
11.12.2014 16:03
11 декабри соли 2014 Вазири корҳои хориҷии Ҷумҳурии Тоҷикистон Сироҷидин Аслов Сафири Фавқулода ва Мухтори Ҷумҳурии Исломии Эрон дар Душанбе Ҳуҷҷатуллоҳ Фағониро бо хоҳиши ӯ ба ҳузур пазируфт.
Дар вохӯрӣ Ҳуҷаттулоҳ Фағонӣ паёми Вазири корҳои хориҷии Ҷумҳурии Исломии Эрон Муҳаммад Ҷавод Зарифро оид ба раванди музокироти Эрон ва кишварҳои 5+1 ба Сироҷидин Аслов супорид.
Ҷонибҳо инчунин атрофи масоили густаришу тавсеаи минбаъдаи ҳамкориҳои мутақобилан судманди ду кишвар дар арсаҳои мухталиф табодули назар карданд.
