Вохӯрии Муовини вазири корҳои хориҷии Ҷумҳурии Тоҷикистон бо Муовини вазири корҳои хориҷии Ҷумҳурии Қазоқистон
16.12.2019 17:20
13 декабри 2019 Муовини вазири корҳои хориҷии Ҷумҳурии Тоҷикистон Музаффар Ҳусейнзода зимни сафари корӣ ба шаҳри Тошканд ҷиҳати иштирок дар вохӯрии 9-уми муовинони вазирони корҳои хориҷии кишварҳои Осиёи Марказӣ ва Афғонистон, ки бо ташаббуси Маркази минтақавии СММ оид ба дипломатияи боздоранда барои Осиёи Марказӣ даъват гардида буд, бо Муовини вазири корҳои хориҷии Ҷумҳурии Қазоқистон Ержан Ашикбоев мулоқот намуд.
Дар мулоқот ҷонибҳо масъалаҳои ҳамкории Тоҷикистону Қазоқистонро дар доираи созмонҳои байналмилалӣ ва минтақавӣ, аз ҷумла Маркази минтақавии иттилоотӣ ва ҳамоҳангсозӣ оид ба мубориза бо гардиши ғайриқонунии маводди мухаддир, моддаҳои равонгардон ва пешмоддаҳои онҳо (CARICC) мавриди муҳокима қарор доданд.
