Қабули нусхаи эътимодномаи сафирони навтаъйин
19.11.2019 18:28
19 ноябри 2019 дар Вазорати корҳои хориҷӣ сафирони навтаъйини Подшоҳии Баҳрайн Муҳаммад Иброҳим Абдулқодир, Подшоҳии Таиланд Русс Ҷаличандра ва Ҷумҳурии Нигер Салоу Адама Газибо нусхаи эътимодномаҳои худро ба Муовини якуми вазири корҳои хориҷии Ҷумҳурии Тоҷикистон Хусрав Нозирӣ супориданд.
Дар ҷараёни суҳбат бо сафирони навтаъйин ҳолати кунунӣ ва дурнамои густариши муносибатҳои Ҷумҳурии Тоҷикистон бо кишварҳои мазкур, инчунин ҳамкориҳо дар чаҳорчӯби созмонҳои байналмилалӣ мавриди баррасӣ қарор гирифтанд.
Муовини якуми вазири корҳои хориҷӣ ба сафирони нав дар фаъолияти дипломатияшон дар Тоҷикистон комёбиҳо орзу намуд.
