Ҷаласаи навбати Шӯрои ҳамоҳангсозони миллии давлатҳои узви СҲШ
31.10.2019 10:17
28-31 октябри соли 2019 дар шаҳри Тошканд ҷаласаи навбатии Шӯрои ҳамоҳангсозони миллии давлатҳои узви Созмони ҳамкории Шанхай баргузор гардид. Дар ҷаласа ҳайати Ҷумҳурии Тоҷикистон бо роҳбарии Сафир оид ба супоришҳои махсус, Ҳамоҳангсози миллии Ҷумҳурии Тоҷикистон оид ба корҳои СҲШ Назирмад Ализода иштирок намуд.
Дар ҷаласа ҳамоҳангсозони миллӣ доираи васеи масъалаҳои рӯзномаи ҷаласаи Шӯрои сарони ҳукуматҳо (сарвазирон)-и давлатҳои узви Созмони ҳамкории Шанхайро, ки 1-2 ноябри соли 2019 дар Тошканд баргузор мегардад, баррасӣ намуда, лоиҳаҳои ҳуҷҷатҳои ниҳоиро, ки аз ҷониби сарони ҳукуматҳо қабул карда мешаванд, ҳамоҳанг карданд.
Дар поёни ҷаласа Протокол қабул гардид.
