Мулоқот бо Муовини дабири кулли Вазорати корҳои хориҷии Малайзия
14.09.2019 13:11
13 сентябри соли 2019 Вазири корҳои хориҷии Ҷумҳурии Тоҷикистон Сироҷиддин Муҳриддин муовини Дабири кулли Вазорати корҳои хориҷии Малайзия Амран Муҳаммад Зинро, ки барои иштирок дар нахустин даври машваратҳои дуҷонибаи сиёсии байни вазоратҳои корҳои хориҷии Ҷумҳурии Тоҷикистон ва Малайзия дар Душанбе қарор дорад, ба ҳузур пазируфт.
Зимни суҳбат ҷонибҳо масоили рушду таҳкими ҳамкориҳо дар соҳаҳои тиҷорату иқтисод, илму маориф, фарҳангу сайёҳӣ, тавсеаи заминаи шартномавию ҳуқуқӣ ва дигар мавзӯъҳои муҳимми мавриди таваҷҷуҳи тарафайнро баррасӣ намуданд.
