Вохӯрии Вазири корҳои хориҷии Тоҷикистон бо Роҳбари навтаъйини Дафтари барномаҳои САҲА дар Душанбе
14.05.2019 00:48
14 майи 2019 Вазири корҳои хориҷии Ҷумҳурии Тоҷикистон Сироҷиддин Муҳриддин Роҳбари навтаъйини Дафтари барномаҳои САҲА дар Душанбе Валериу Киверро ба ҳузур пазируфт.
Вазири корҳои хориҷӣ ҷаноби Киверро ба муносибати таъйин гардиданаш ба вазифаи пурмасъулият табрику таҳният гуфта, изҳори умед кард, ки ӯ ҳангоми фаъолияташ дар Тоҷикистон саҳми арзандаи худро дар тақвияти ҳамкориҳои дуҷониба гузорад.
Дар мулоқот ҷонибҳо инчунин масъалаҳои густариши робитаҳо дар доираи се ченаки ҳамкорӣ бо САҲА ва дигар масъалаҳои мавриди эҳтимоми муштаракро баррасӣ намуданд.
