Мулоқоти муовини вазир бо ректори Донишкадаи тадқиқоти дипломатии Арабистони Саудӣ

23 апрели соли 2025 вохӯрии муовини вазири корҳои хориҷии Ҷумҳурии Тоҷикистон Фаррух Шарифзода бо ректори Донишкадаи тадқиқоти дипломатии назди Вазорати корҳои хориҷии Шоҳигарии Арабистони Саудӣ  ба номи шоҳзода Сауд Ал-Файсал доктор Мушаббаб Ал-Қаҳтонӣ баргузор гардид.

Дар рафти мулоқот ҷонибҳо ҳолати кунунӣ ва густариши ҳамкориҳои ду кишвар дар самти омода намудани мутахассисони соҳаи равобити байналмилалӣ, инчунин ташкили давраҳои омӯзишӣ ва табодули таҷрибаомӯзиро барои дипломатҳои ҷавон мавриди баррасӣ қарор доданд. 

Дар фарҷоми вохӯрӣ, санади ҳамкорӣ байни Маркази такмили ихтисос ва бозомӯзии кормандони хизмати дипломатии Вазорати корҳои хориҷии Ҷумҳурии Тоҷикистон ва Донишкадаи тадқиқоти дипломатии назди Вазорати корҳои хориҷии Шоҳигарии Арабистони Саудӣ ба номи шоҳзода Сауд Ал-Файсал ба имзо расид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan