Маросими ифтитоҳи чойхонаи миллии тоҷикӣ дар Австрия

3 июли соли 2024 дар шаҳри Клагенфурти Австрия, ки аз соли 1972 бародаршаҳри Душанбе мебошад, маросими ифтитоҳи дубораи чойхонаи миллии тоҷикӣ дар макони нав – Боғи миниатюрҳои Минимундус барпо гардид.

Дар маросими расмӣ ҳайати Тоҷикистон таҳти роҳбарии муовини Раиси шаҳри Душанбе Дилбар Одилзода, муовини Раиси шаҳри Клагенфурт Александр Томас Кастнер,  ашхоси расмии шаҳрдории Клагенфурт, инчунин ҳамватанони бурунмарзие, ки дар шаҳри Клагенфурт ва гирду атрофи он истиқомат мекунанд, ширкат варзиданд.

Дар рафти ҳамоиш дар ғурфаи чойхона дастархони миллии тоҷикӣ ороста шуда, ба меҳмонон хӯрокҳои миллӣ пешкаш гардид. Ҳамчунин ҳозирин бо мусиқии тоҷикӣ ва ҳунарҳои мардумии миллӣ, ки дар шакли намоишгоҳ дар чойхона муаррифӣ гардиданд, шинос шуданд.

Рӯйдоди мазкур ба таҳкими минбаъдаи ҳамкориҳои фарҳангӣ ва гуманитарӣ, ҳамчун ҷузъи муҳими рушди равобити ҳасанаи Тоҷикистону Австрия мусоидат хоҳад кард.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan