Супоридани нусхаи Эътимоднома
12.07.2016 13:46
11 июли соли 2016 Сафири Фавқулода ва Мухтори Ҷумҳурии Тоҷикистон дар Ҷумҳурии Корея Юсуф Шарифзода нусхаи Эътимодномаи худро ба Муовини Сардори Раёсати ташрифоти Вазорати корҳои хориҷии Ҷумҳурии Корея Ли Ҷунг-ил расман супорид.
Ҷонибҳо сатҳи муносибатҳои кунуниро мусбат арзёбӣ карда, омодагиашонро ба таҳкими минбаъдаи робитаҳо ва рушди шарикии иқтисодӣ байни ду кишвар таъкид намуданд.
Ли Ҷунг-ил Сафирро бинобар ба ин вазифа таъйин гардиданаш табрик намуда, ба ӯ ҷиҳати амалигардонии фаъолияти дипломатӣ комёбиҳо таманно намуд.
