Машваратҳои сиёсии Тоҷикистон ва Русия

10.08.2023 19:08

10 августи соли 2023 дар шаҳри Душанбе машваратҳои сиёсӣ миёни вазоратҳои корҳои хориҷии Ҷумҳурии Тоҷикистон ва Федератсияи Русия баргузор гаштанд. Ҳайатҳои ҷонибҳо дар нишасти мазкур таҳти роҳбарии муовинони вазирони корҳои хориҷии Тоҷикистон Содиқ Имомӣ ва Русия Михаил Галузин ширкат варзиданд.

Дар рафти вохӯрӣ масъалаҳои мубрами муносибатҳои Тоҷикистону Русия дар соҳаҳои сиёсӣ, иқтисодӣ, гуманитарӣ ва дигар самтҳо баррасӣ шуданд. Ҷонибҳо ҳамчунин доир ба ҳамкориҳои Душанбе ва Москва дар доираи созмонҳои байналмилалӣ ва масоили амнияти минтақавӣ мубодилаи афкор намуданд.

Машваратҳо дар фазои ҳамдигарфаҳмӣ ва созандаи ба муносибатҳои шарикии стратегии Тоҷикистону Русия хос сурат гирифтанд.

 

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan

Нигористон

Тақвим