Супоридани нусхаи эътимодномаи сафири Словакия

29 июни соли 2023 муовини вазири корҳои хориҷии Ҷумҳурии Тоҷикистон Фарҳод Салим нусхаи эътимодномаи сафири навтаъйини фавқулода ва мухтори Ҷумҳурии Словакия дар Ҷумҳурии Тоҷикистон (бо қароргоҳ дар Тошканд)  Виктор Боретскиро қабул намуд.

Зимни мулоқот ҷонибҳо робитаҳои дуҷониба ва шарокат дар доираи ниҳодҳои байналмилалиро баррасӣ карда, ҳавасмандии худро барои рушди ҳамкориҳои байнипарлумонӣ, тиҷоратӣ-иқтисодӣ ва гуманитарӣ иброз намуданд.

Муовини вазири корҳои хориҷӣ сафири Словакияро ба муносибати таъйин шуданаш ба ин вазифа табрик гуфта, ба ӯ дар фаъолияти корӣ муваффақият таманно намуд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan