Вохӯрии сафири кишвар дар Сенати Парлумони Ҷумҳурии Қазоқистон
10.03.2023 18:44
9 марти соли 2023 дар Сенати Парлумони Ҷумҳурии Қазоқистон вохӯрии сафири кишвар Хайрулло Ибодзода бо раиси Кумита оид ба муносибатҳои байналмилалӣ, мудофиа ва амнияти Сенати Парлумони Ҷумҳурии Қазоқистон Аскар Шакиров баргузор гардид.
Зимни вохӯрӣ ҷонибҳо дар мавриди вазъи феълӣ ва рушди баъдии равобити байнипарлумонии Тоҷикистону Қазоқистон, инчунин дурнамои таҳкими ҳамкории дуҷониба дар соҳаҳои мухталиф тавассути абзорҳои байнипарлумонӣ табодули афкор намуданд.
