Маросими кушодашавии парвозҳои мустақим байни Тоҷикистон ва Кувайт

29 декабри 2022 нахустин парвози ширкати ҳавоии Ҷазира Эйрвейз дар масири Кувайт -Душанбе бо муваффақият анҷом дода шуд.

Ба ин муносибат, дар Фурӯдгоҳи байналмилалии Душанбе маросими тантанавии истиқболи нахустин парвоз бо иштироки масъулуни ниҳодҳои зирабт, корпуси дипломатии муқими кишвар, намояндагони ВАО ва ширкатҳои ватании сайёҳӣ сурат гирифт.

Дар кушодашаваии маросим роҳбарияти Агентии авиатсияи гражданӣ, cафири Ҷумҳурии Тоҷикистон дар Давлати Кувайт Зубайдулло Зубайдзода ва намояндаи ширкати Ҷазира Эйрвейз суханронӣ намуда, ҳозиринро бо ин рӯйдоди таърихӣ табрик гуфтанд.

Боиси зикр аст, ки бо ибтикори Сафорат дар нахустин парвоз як гурӯҳ фаъолони шабакаҳои иҷтимоӣ- блогерон ва намояндагони ВАО-и Кувайт ба мақсади инъикоси ин маросим ва тарғибу ташвиқи соҳаи сайёҳии кишвар ба Душанбе сафар намуданд.

Ёдовар мешавем, ки парвозҳо дар масири Кувайт-Душанбе-Кувайт ҳар дар як ҳафта ду маротиба рӯзҳои панҷшанбе ва шанбе парвоз намуда, тадриҷан он ҳамарӯза анҷом дода мешавад.