Вохӯрӣ бо директори Маркази байналмилалии амнияти об ва Мудирияти рушд таҳти сарпарастии ЮНЕСКО (UNESCO i-WSSM)
23.04.2024 09:04
22 апрели 2024 мулоқоти сафири Ҷумҳурии Тоҷикистон дар Ҷумҳурии Корея Салоҳиддин Киром бо директори Маркази байналмилалии амнияти об ва Мудирияти рушд таҳти сарпарастии ЮНЕСКО (UNESCO i-WSSM) Бонгу Шин баргузор гардид.
Зимни суҳбат ҷонибҳо масъалаҳои густариши ҳамкориҳоро дар соҳаи об, аз ҷумла иштироки Маркази номбурда дар Конфронси 3-юми байналмилалии сатҳи баланд оид ба “Даҳсолаи байналмилалии об барои рушди устувор, солҳои 2018-2028”, ки 10-13 июни соли 2024 дар шаҳри Душанбе доир мегардад, баррасӣ намуданд.
