Баррасии ҳамкориҳои дуҷониба миёни Тоҷикистону Олмон

11 феврали соли 2026 мулоқоти вазири корҳои хориҷии Ҷумҳурии Тоҷикистон Сироҷиддин Муҳриддин бо вазири федеролии корҳои хориҷии Олмон Йоҳанн Вадефул дар шаҳри Берлин баргузор шуд.

Аснои гуфтугӯ маҷмӯи васеи масъалаҳои густариши муносибатҳои дуҷониба дар самтҳои сиёсӣ, иқтисодӣ, сармоягузорӣ, саноатӣ ва илмию фарҳангӣ, инчунин ҳамкориҳои Тоҷикистону Олмон дар доираи созмонҳои минтақавию байналмилалӣ мавриди баррасӣ қарор гирифтанд.

Вазирони корҳои хориҷӣ ба тақвияти робитаҳои гуногунҷабҳа ва густариши муносибатҳо бо истифода аз абзорҳои мавҷудаи ҳамкориҳо тамаркуз намуда, барои татбиқи иқдомҳои муштараки баъдӣ изҳори мувофиқат карданд.

Аксҳо аз https://www.photothek.de/