Вохӯрии Сафир бо ваколатдори Вазорати корҳои хориҷии Олмон
04.11.2025 18:03
3 ноябри соли 2025 Сафири Ҷумҳурии Тоҷикистон дар Олмон Имомудин Сатторов бо ваколатдори навтаъини Вазорати корҳои хориҷии Олмон оид ба ҳамкорӣ бо кишварҳои Аврупои Шарқӣ, Қафқоз ва Осиёи Марказӣ Никлас Вагнер мулоқот анҷом дод.
Дар рафти мулоқот ҷонибҳо масъалаҳои рушди ҳамкориҳои Тоҷикистону Олмон, дурнамои густариши робитаҳои дуҷониба, ҳамкорӣ дар доираи равандҳои минтақавӣ ва роҳҳои таҳкими ҳамкориҳои мутақобилан судмандро баррасӣ намуданд.
