Мулоқот бо Ёвари Комиссари Олии СММ оид ба паноҳҷӯён
12.11.2024 17:58
8 ноябри соли 2024 дар ҳошияи Конфронси вазирони кишварҳои Осиёи Марказӣ дар мавзуи "Барҳам додани бешаҳрвандӣ дар Осиёи Марказӣ" дар Туркманистон, мулоқоти муовини якуми вазири корҳои хориҷии Ҷумҳурии Тоҷикистон Исматулло Насредин бо хонум Рувендрини Меникдивела, Ёвари комиссари Олии СММ оид ба паноҳҷӯён доир гашт.
Меҳвари асосии мусоҳиба атрофи масъалаҳои паноҳҷӯён, таъмини ҳуқуқ ва шароити будубоши онҳо буд. Исматулло Насредин ба мусоҳибон оид ба тадбирҳои Ҳукумати кишвар марбут ба таъмини ҳифзи ҳуқуқҳои паноҳҷӯён иттилоъ дод.
