“Рӯзи Сафоратҳо” дар шаҳри Сеул
19-21 июни соли 2015 дар яке аз майдонҳои марказии шаҳри Сеул – Квангҳамун бо ибтикори ҷамъияти “World Masters Committee”, ва бо дастгирӣ ва иштироки беш аз 70 намояндагиҳои дипломатии муқими кишвари иқомат “Рӯзи Сафоратҳо” баргузор гардид.
Сафорати Ҷумҳурии Тоҷикистон бори нахуст дар ин чорабинӣ иштирок карда, дар гӯшаи худ ба меҳмонони дохиливу хориҷӣ китобҳо доир ба таъриху фарҳанги мардуми тоҷик, намунаҳои либосҳои мардумӣ, асарҳои кулолӣ, заргарӣ, асбобҳои мусиқӣ, маводи таблиғотӣ оид ба имкониятҳои сайёҳии Тоҷикистон, манзур намуда, филми мустанадро дар бораи мавзеъҳои таърихиву сайёҳии кишвар ва дастовардҳои Тоҷикистон дар даврони Истиқлолият пешкаши меҳмонон гардонид. Барои меҳмонон ҳамчунин дастархон бо таомҳо ва шириниҳои миллӣ ороста шуд.
