Мулоқоти кории вазирони корҳои хориҷии Созмони аҳдномаи амнияти дастаҷамъӣ
06.12.2019 14:22
5 декабри 2019 дар Братислава дар ҳошияи 26-умин иҷлоси Шӯрои вазирони корҳои хориҷии кишварҳои ширкаткунандаи Созмони амният ва ҳамкорӣ дар Аврупо (САҲА) мулоқоти кории вазирони корҳои хориҷии Созмони аҳдномаи амнияти дастаҷамъӣ (СААД) баргузор гардид.
Дар он мулоқот вазирон доир ба дурнамои ҳамкориҳои кишварҳои СААД дар масъалаи амнияти байналмилалӣ ва минтақавӣ, ҳамкории мутақобилаи СААД ва САҲА, инчунин дигар масъалаҳои муҳимми мавриди эҳтимоми муштарак мубодилаи афкор намуданд.
