Муносибатҳои дуҷонибаи Тоҷикистон бо Литва

Муносибатҳои дуҷонибаи Тоҷикистон бо Литва

Муносибатҳои дипломатӣ миёни Ҷумҳурии Тоҷикистон ва Ҷумҳурии Литва 13 августи соли 1992 барқарор шудаанд.

Сафири фавқулодда ва мухтори Ҷумҳурии Тоҷикистон дар Ҷумҳурии Литва Бахтовар Сафарзода (бо қароргоҳ дар Минск) мебошад. Сафири фавқулодда ва мухтори Ҷумҳурии Литва дар Ҷумҳурии Тоҷикистон Гинтаутас Васюлиc (бо қароргоҳ дар Остона) мебошад.

Муносибатҳои сиёсӣ (мубодилаи сафарҳо). 17 апрели соли 2007 вазири корҳои хориҷии Ҷумҳурии Литва Пятрас Вайтекунас ба Ҷумҳурии Тоҷикистон сафар намуд. Зимни ин сафар ҷаноби Пятрас Вайтекунас бо  Президенти Ҷумҳурии Тоҷикистон муҳтарам Эмомалӣ Раҳмон вохӯрд.

Сафари расмии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Литва 11-13 феврали соли 2009 дар таърихи муносибатҳои тарафайн марҳилаи навро кушод.

Муносибатҳои иқтисодиву тиҷоратӣ. Литва яке аз шарикони асосии тиҷоратии Тоҷикистон  миёни кишварҳои Иттиҳоди Аврупо ба ҳисоб меравад.

Ҳаҷми савдои Тоҷикистон бо Литва дар моҳи январ-ноябри соли 2023 – 18759,4 ҳазор доллари ШМА-ро ташкил додааст (содирот – 88,3 ҳаз. долл. ШМА ва воридот – 18671,1 ҳаз. долл. ШМА).

Заминаи қарордодиву ҳуқуқии муносибатҳои Ҷумҳурии Тоҷикистон бо Ҷумҳурии Литва дар марҳилаи рушд қарор дошта,  айни замон 5 санади расмии ҳамкориро ташкил медиҳад.

                                                                                                                                                                                                                                                                                                                                Ноябр, 2023