Маросими ифтитоҳи мусобиқаи варзишии футбол

Дар ростои ҷонибдорӣ аз ташаббуси байналмилалии Ҷумҳурии Тоҷикистон, ки аз ҷониби Президенти Ассотсиатсияи футболи Осиёи Марказӣ (CAFA), президенти Федератсияи футболи Тоҷикистон муҳтарам Рустами Эмомалӣ оид ба эълон гардидани «Рӯзи ҷаҳонии футбол», ки бо қатъномаи Созмони Милали Муттаҳид қабул гардид ва бо мақсади сазовор таҷлил намудани ҷашни 33-солагии Истиқлолияти давлатии Ҷумҳурии Тоҷикистон, инчунин дар арафаи таҷлили “Рӯзи кормандони хизмати дипломатии Ҷумҳурии Тоҷикистон” 12 сентябри соли 2024 дар варзишгоҳи Вазорати корҳои хориҷӣ мусобиқаи футболи дӯстона байни кормандони низоми Вазорат ва намояндагиҳои дипломатии муқими Тоҷикистон оғоз гардид.

Дар ифтитоҳи чорабинии мазкур муовини вазири корҳои хориҷӣ Ф.Шарифзода суханронӣ намуда, ташаббуси байналмилалӣ оид ба эълон гардидани «Рӯзи ҷаҳонии футбол»-ро пешниҳоди саривақтӣ хонда, нақши онро дар тарғиби ҳаёти солим тавассути футбол, ҳамчун пайвандгари робитаҳои дӯстии мардумон нақши муҳим арзёбӣ намуд.

Чорабинии мазкур аз 12 то 27 сентябри соли 2024 байни 12 дастаи кормандони низоми Вазорати корҳои хориҷӣ, намояндагиҳои дипломатӣ ва созмонҳои байналмилалии муқими Тоҷикистон сурат мегирад. 

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan