Мулоқоти вазири корҳои хориҷӣ бо сафирони Озарбойҷон, Беларус, Қазоқистон, Русия ва Ӯзбекистон

29 декабри соли 2023 вазири корҳои хориҷии Ҷумҳурии Тоҷикистон Сироҷиддин Муҳриддин сафирони фавқулода ва мухтори Ҷумҳурии Озарбойҷон Алимирзамин Аскеров, Ҷумҳурии Беларус Виктор Денисенко, Ҷумҳурии Қазоқистон Валихан Туреханов, Федератсияи Русия Семён Григорев ва Ҷумҳурии Ӯзбекистон Эргаш Шоисматовро ба ҳузур пазируфт.

Зимни мулоқот вазири корҳои хориҷӣ бо таъкид ба рушди рӯзафзуни муносибатҳои дуҷониба ва бисёрҷонибаи Тоҷикистон бо кишварҳои мазкур, онҳоро яке аз самтҳои авлавиятноки сиёсати хориҷии Ҷумҳурии Тоҷикистон арзёбӣ кард.

Ҷонибҳо оид ба натиҷаҳои асосии соли сипаришуда, инчунин нақшаву ҳадафҳо барои дурнамо табодули афкори судманд анҷом доданд.

Дар фарҷоми вохӯрӣ С.Муҳриддин сафирон ва кормандони намояндагиҳои дипломатии Озарбойҷон, Беларус, Қазоқистон, Русия ва Ӯзбекистон дар Тоҷикистонро бо фарорасии соли нав табрик намуда, ба онҳо муваффақиятҳои касбиро таманно кард.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan