Мулоқоти Вазири корҳои хориҷӣ бо Намояндаи махсуси Дабири кулли СММ оид ба Афғонистон
13.10.2015 13:14
13 октябри соли 2015 мулоқоти Вазири корҳои хориҷии Ҷумҳурии Тоҷикистон Сироҷидин Аслов бо Намояндаи махсуси Дабири кулли Созмони Милали Муттаҳид оид ба Афғонистон Николас Ҳейсом баргузор гардид.
Зимни мулоқот ҷонибҳо масъалаҳои ҳамкории Тоҷикистонро бо СММ ва дафтари Намояндаи вежа дар самтҳои таъмини сулҳу субот, эҳёи иқтисодӣ ва иҷтимоии Афғонистон, ҳамгироии иқтисодии Афғонистон бо кишварҳои Осиёи Марказӣ ва дар ин замина татбиқи лоиҳаҳои бунёди роҳи оҳан ва хатҳои интиқоли барқ мавриди муҳокима қарор доданд.
