Səfirin Azərbaycan Respublikasının Prezidenti yanında vətəndaşlara xidmət və sosial innovasiyalar üzrə Dövlət Agentliyinin sədri ilə görüşü.

22 yanvar 2026-cı il tarixində Tacikistan Respublikasının Azərbaycan Respublikasındakı Səfiri İlxom Abduraxmonun Azərbaycan Respublikası Prezidenti yanında vətəndaşlara xidmət və sosial innovasiyalar üzrə Dövlət Agentliyinin sədri Ülvi Mehdiyev ilə görüşü keçirilmişdir.

Görüş zamanı tərəflər əhaliyə dövlət xidmətlərinin göstərilməsi sahəsində ikitərəfli əməkdaşlığın perspektivlərini müzakirə etmiş, həmçinin müasir rəqəmsal və innovativ həllərin tətbiqi sahəsində təcrübə mübadiləsinin sistemli şəkildə təşkilinə dair fikir mübadiləsi aparmışlar.

Görüş çərçivəsində Səfir həmçinin “vahid pəncərə” prinsipi ilə fəaliyyət göstərən ASAN Xidmət mərkəzlərinin fəaliyyəti və Azərbaycan Respublikasının dövlət xidmətləri sistemində innovativ texnologiyaların gündəlik tətbiqi ilə tanış olmuşdur.