Səfirin Gürcüstanın mədəniyyət nazirinin müavini ilə görüşü

6 mart 2025-ci il tarixində iqamətgahı Bakı şəhərində olmaqla Tacikistan Respublikasının Gürcüstandakı fövqəladə və səlahiyyətli səfiri İlxom Abduraxmon Tbilisi şəhərində Gürcüstanın mədəniyyət nazirinin müavini Giorgi Mirtsxulava ilə görüş keçirib.

Görüş zamanı mədəniyyət sahəsində ikitərəfli əməkdaşlığın hazırkı vəziyyəti və inkişaf perspektivləri müzakirə olunub.

Tərəflər Tacikistan və Gürcüstanın mədəniyyət nazirliklərinin sahəvi strukturları arasında əlaqələrin gücləndirilməsində, eləcə də iki ölkə arasında geniş spektrli mədəni tədbirlərin keçirilməsində maraqlı olduqlarını bildiriblər.