Səfirin Gürcüstanın xarici işlər naziri ilə görüşü

6 mart 2025-ci il tarixində iqamətgahı Bakı şəhərində olmaqla Tacikistan Respublikasının Gürcüstandakı fövqəladə və səlahiyyətli səfiri İlxom Abduraxmon Gürcüstanın xarici işlər naziri Maka Botçorişvili ilə görüşüb.

Görüşdə siyasi, ticarət-iqtisadi, investisiya, təhsil və mədəniyyət sahələrində ikitərəfli əməkdaşlığın hazırkı vəziyyəti və inkişaf perspektivləri, o cümlədən beynəlxalq təşkilatlar çərçivəsində qarşılıqlı fəaliyyət və maraq doğuran digər aktual məsələlər ətrafında müzakirələr aparılıb.