Тоҷикӣ | Русский | English  

Ҳамоиши сафирони Аврупои Шарқӣ ва Осиёи Марказӣ дар Ҳамбурги Олмон

6 июни 2019 Сафири Тоҷикистон дар Олмон Соҳибназар Ғайратшо дар чорабинии илмӣ-иттилоотии «Рӯзи сафирони Аврупои Шарқӣ дар бандари Ҳамбург» ширкат намуд. Чорабинӣ бо ташаббуси Кумитаи шарқии иқтисоди Олмон, Иттиҳоди Аврупои Шарқӣ дар Донишгоҳи Kühne Logistics University-и шаҳри бандарии Ҳамбург бо иштироки сафирони кишварҳои Аврупои Шарқӣ ва Осиёи Марказӣ баргузор гардид.  

Истифодаи зерсохторҳои бандарии Ҳамбург дар муомилоти тиҷоратӣ ва интиқоли бор, рушди робитаҳои соҳибкорони музофот бо кишварҳои Аврупои Шарқӣ ва Осиёи Марказӣ, таҳсил дар донишгоҳҳои Ҳамбург, инчунин дурнамои ҳамкориҳо бо дарназардошти лоиҳаи «Як камарбанд - як роҳ» аз ҷумлаи мавзӯъҳое буданд, ки дар мулоқот бо сенатори масоили тиҷоратии музофоти Ҳамбург, устодони донишгоҳҳо ва дигар шахсони расмӣ мавриди баррасӣ қарор гирифтанд.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj