Тоҷикӣ | Русский | English  

Супоридани эътимоднома ба Дабири кулли СҲИ

3 июни соли ҷорӣ Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон ва ҳамзамон Намояндаи доимии Ҷумҳурии Тоҷикистон дар Созмони Ҳамкории Иқтисодӣ Низомиддин Зоҳидӣ эътимодномаи худро ба Дабири кулли Созмони Ҳамкории Иқтисодӣ Ҳодӣ Сулаймонпур супорид.

Зимни мулоқот ҷонибҳо масъалаҳои ҳамкории Тоҷикистон бо СҲИ ва тақвият додани фаъолияти созмон дар бахшҳои мухталифро дар давраи раёсати Тоҷикистон баррасӣ намуданд.

Таваҷҷуҳи хос ба масъалаҳои татбиқи санади роҳбурдии “Чашмандози СҲИ - 2025” ва амалӣ намудани нақшаи ислоҳоти Котиботи созмон ва муассисаҳои зертобеи он, ҳамчунин татбиқи лоиҳаҳои муштараки зерсохториву нақлиётӣ дар қаламрави кишварҳои СҲИ зоҳир гардид.  

Дабири кулли СҲИ Ҳ.Сулаймонпур Н.Зоҳидиро ба муносибати шурӯи фаъолият ба ҳайси Намояндаи доимии Тоҷикистон дар СҲИ табрик намуда, ба ӯ муваффақиятҳо таманно намуд.     

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj