Тоҷикӣ | Русский | English  

Дидори Сафири Тоҷикистон бо Вазири тиҷорат ва саноати Миср

12 сентябри 2017 дар Қоҳира Вазири тиҷорат ва саноати Миср Ториқ Қобил Сафири кишвари мо дар Миср Хусрав Нозириро ба ҳузур пазируфт. Мавзӯи аслии суҳбатро иштироки ҳайати мисрӣ дар Форуми дувуми иқтисод ва ҳамкории арабӣ бо кишварҳои Осиёи Марказӣ ва Ҷумҳурии Озарбойҷон ташкил дод.

Қарор аст, ки Форуми мазкур дар Душанбе 16 октябри 2017 таҳти шиори “Ҳамкорӣ дар соҳаи рушд ва сармоягузорӣ” бо иштироки Дабири кулли Иттиҳодияи давлатҳои арабӣ ва вазирони корҳои хориҷӣ ва тиҷорату иқтисоди кишварҳои арабӣ, Осиёи Марказӣ ва Озарбойҷон баргузор гардад.

© 2017 Вазорати корҳои хориҷии Ҷумҳурии Тоҷикистон
© 2017 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj